Forfatter: nesavika33

Andre veka i desember starta bygginga av ferieleilegheitene i fjæra v/byggfirma Odd Arild Sund. Dyktige fagfolk som står på uansett vær og vind. Dette er noko vi har arbeidd med og for lenge, så å komme heim frå arbeid og sjå framgangen dag for dag var utruleg kjekt 🙂 Når ein samanliknar proporsjonane på ferdig bygg med bildekollagen vi fekk laga til prospektet syns eg det stemmer bra.

Veldig kjekt syn frå kjøkkenvindauget vårt 🙂

Her er førebels utsikt frå den største leilegheita. Golvet skal høgre opp, så når ein sit ved kjøkkenbordet eller i godstolen her inne får ein fint utsyn utover fjorden.

Bileta vart tatt 17.12.16 og det har skjedd mykje etter dette, men det kjem i neste innlegg 🙂

 

Laurdag 21.05 kl. 12- 14 vert det visning i Nesavika 🙂

Reklameskilt som syner prospektet står oppe ved vegen og viser veg.

 

 

Kveldsutsikta kl 20.30 i kveld frå tomta til den leilegheita som er seld og bort mot fjæra og grøntarealet. Anleggsarbeidet er ikkje ferdig enno, men det kjem seg litt etter kvart.

 

Mitt kveldsprosjekt var å fjelge litt i fjæra og når eg ser på bilda etter ein times arbeid med riva er eg godt nøgd 🙂

Ein kvil i godt selskap med bobler i glaset var kveldens belønning. Godt å sitte her nede og sjå utover fjorden på sola som speglar seg i sjøen.

 

Ynskjer alle interesserte velkomne i Nesavika på laurdag 🙂

God morgon og god start på dagen 🙂

For dei som er morgonfuglar kan ein trimtur til Demma og vatnet der anbefalast medan bygda søv 😉 Bildet under viser Stongfjorden sentrum med Skålefjellet i bakgrunnen kl 06 14 Mai,  og at morgonsola er på veg.

 

Denne turen er omlag 6 km tur/retur frå Nesavika. Første km er det lett nedoverbakke og så flatt inne i bukta, deretter er det lett/god oppoverbakke til ein er oppe ved vatnet som er oppdemma – derav namnet Demma.

Det er ein fin trimtur enten ein går eller spring. Sidan det er oppoverbakke første halvdel av turen er det greitt å gå den vegen og så jogge heimatt i nedoverbakkane. Kjekt med drahjelp frå naturen 🙂 Belønning er også synsinntrykka på heimvegen. Å sjå ut fjorden ein stille morgon slik som i dag blir vi ikkje lei av, sjølv om vi har sett det før. Sola er komen ute på Stafsnes og der leilegheitene i Nesavika skal være kom morgonsola 07.20 i dag 🙂 Herleg å sette seg på trappa med kaffi etter ein slik frisk start på dagen.

 

Det er mange andre turområde kring om i Stongfjorden og nærområdet som er merka eller tilrettelagde av grunneigarar og andre frivillige, så utover våren og sommaren vil vi her på bloggen vise glimt frå desse.

God Pinse og 17 Mai til alle som kikkar inn her 🙂

Denne helga har vi virkelig hatt ein smak av sommar.

Fin temperatur og soool 🙂 Kan ikkje få det betre når ein har langfri og desse dagane har vi nytta godt. Litt arbeid i fjæra, litt hagearbeid og sjø og båtliv.

 

Oppmåling av høgder i tomtene.

 

Det begynner å ta form.

 

Søndagen kasta vi loss og sette kursen ut fjorden. Huset vårt er øverst til venstre i biletet og leilegheitene i fjæra kjem til høgre for gravemaskina.

Kos med villsauer på Heggøyna 🙂

Ein herleg dag er over og vi er klare til ei ny veke.

 

 

Her er nokre bilder frå gravearbeidet ein morgon på fjære sjø. På dei øverste bilda ser ein at leilegheitene har tidleg morgonsol medan det tett attmed framleis er skugge. Desse bileta er tekne omlag kl 9 men mårrasola kjem enno tidlegare her nede ved sjøen.

Framover vert det nok ein del bilder her på bloggen frå tomteområdet for å vise framdrifta, og her skal det skje mykje sidan byggestart er berekna til September/Oktober. Det skal flyttast mykje masse innan den tid og vi vil jamleg vise kva som skjer.